Saltar ao contido
R2P Skicross Team Únete
Corredores na zona de saída e unha manga no circuíto, con montañas nevadas ao fondo.

R2P Skicross Training & Race Camps

Adestra skicross connosco, sexas de onde sexas

Bloques intensivos de adestramento en circuíto de skicross, snowpark e pistas de alpino. Abertos a deportistas de calquera club e país: non fai falta ser do equipo.

Pide información

Máis días de neve, e de skicross

Os stages suman días de neve fóra da tempada europea e concentran en pouco tempo o que máis custa atopar: circuíto, saídas, saltos e carreira en grupo. Adestras e convives co equipo e con corredores doutros países.

  • Corredores doutros clubs que queren adestrar skicross en circuíto.
  • Esquiadores de alpino que queren probar a disciplina.
  • Deportistas que se propoñen facer a tempada con R2P e queren coñecernos antes.

Próximos stages

Que necesitas

  • Licenza en vigor.
  • Seguro internacional que cubra a práctica deportiva.
  • O teu material de esquí e de protección. Se tes dúbidas sobre que material necesitas para facer skicross, escríbenos a r2pskicrossteam@gmail.com e resolvémoschas.
  • Se es menor, a autorización dos teus titores.

Así foron os anteriores

  • Corralco, Chile, 2026. Tres camps de dúas semanas entre o 23 de agosto e o 2 de outubro.
  • Tempada 2025/26. Copas de España en Formigal, Baqueira-Beret e Sierra Nevada, e Copas de Europa en Reiteralm e Passo San Pellegrino.
  • Pretempada 2025/26. Xanadú, Stelvio, Saas-Fee e Pitztal, con adestramentos en circuítos de Copa do Mundo.
Tres corredores do equipo con dorsal saúdan na neve, coas montañas e o ceo azul detrás. O grupo posa coa roupa do club nunha pista cuberta de neve. Saída dunha manga de skicross vista desde o casco dun corredor, con outros tres aos lados. Esquís do equipo colocados nun soporte de parede, xunto a unha mesa de preparación.

Preguntas frecuentes

Teño que ser do equipo?

Non. Os stages están abertos a deportistas de calquera club e país.

Están incluídos os voos?

Non. O club sae sempre en furgoneta desde Benasque (España). Se vés doutro sitio, mercas o teu voo e a partir do aeroporto ocupámonos nós.

Compítese durante o stage?

Nalgúns stages hai carreiras. Se queres correr, a inscrición xestiónase á parte.

Que nivel fai falta?

Depende do stage: hainos para todos os niveis. Os stages de adestramento en Cerler están abertos a calquera nivel, sempre que xa teñas unha base de esquí e non sexa a primeira vez que esquías.

En que idioma se adestra?

En castelán e en inglés.

Poden vir menores sen acompañante?

Si. O noso equipo encárgase de todo. Nese caso sempre necesitamos unha autorización da nai, o pai ou o titor.